Qeveria shqiptare ka marrë vendimin për përjashtimin nga detyrimi për pajisje me leje pune dhe certifikatë regjistrimi për të gjithë shtetasit shqiptarë nga Mali i Zi dhe Maqedonia e Veriut.
Lajmin e ka dhënë ministri në detyrë për Europën dhe Punët e jashtme, Gent Cakaj cili ka deklaruar të hënën se ky vendim është pjesë përbërëse e përpjekjes të Qeverisë për liberalizimin e tregut të punës të Shqipërisë për shqiptarët në tërësi.
Ai ka paralajmëruar një paketë masash për përafrimin e shqiptarëve në përgjithësi. Sipas Cakajt, me anë të kësaj lëvizjeje, vendi ynë krijon të njëjtat lehtësira për hyrje në tregun e punës në Shqipëri për ta sikurse ato që tashmë gëzojnë shqiptarët nga Kosova dhe Lugina e Preshevës.
"Pavarësisht se mund të duket një veprim pa ndikim të menjëhershëm, ky është një hap i domosdoshëm drejt rritjes së lidhjeve të Shqipërisë me shqiptarët në vendet fqinje pa dallim. Ky vendim, ndërkaq, është vetëm pjesë e një pakoje më të gjerë masash që Shqipëria ka planifikuar për përafrimin e shqiptarëve në përgjithësi", ka deklaruar Cakaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.