.png)
Nga Gazeta ‘SI’– Shqipëria renditet ndër vendet me cilësinë më të dobët në Europë për sigurinë e ujit të pijshëm dhe pastërtinë e tij.
Sipas të dhënave nga Indeksi i Performancës Mjedisore, Shqipëria vlerësohet me 54.1 pikë në këtë drejtim, duke u renditur ndër vendet me performancën më të dobët në kontinent. Shqipëria performon dobët edhe në krahasim me vendet e rajonit, duke lënë pas vetëm Maqedoninë e Veriut.
Në hartë, Shqipëria paraqitet me ngjyrë blu, shumë pranë ngjyrës së verdhë, e cila tregon nivelin më problematik të cilësisë së ujit.
Indeksi tregon se matjet kryhen përmes numrit të viteve të humbura të jetës së shëndetshme për çdo 100 mijë banorë, të shkaktuara nga ekspozimi ndaj ujit të pasigurt për konsum.
Në tërësi, Europa ka performancë të mirë në këtë indeks, me 19 nga 20 vendet më të mira në botë, përveç Japonisë.
Finlanda, Islanda, Holanda, Norvegjia, Zvicra dhe Mbretëria e Bashkuar morën rezultatin maksimal prej 100 pikësh për mbrojtjen e shëndetit publik nga uji i pasigurt dhe mungesa e sanitacionit.
Rezultatet më të dobëta pas Shqipërisë u regjistruan në Moldavi dhe Gjeorgji.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje