.png)
Gazeta Si - Shqipëria pritet të ketë përfaqësi të reja diplomatike në tre shtete të botës, në Kenia, Indi dhe Indonezi.
Vendimi është marrë në mbledhjen e kësaj të mërkure të Këshillit të Ministrave, ndërsa ministri Igli Hasani thotë se kjo do të forcojë edhe më shumë pasaportën shqiptare në botë.
Sipas ministrit hapja e tre ambasadave bëhet duke u nisur edhe nga objektivat strategjike afatmesme dhe afatgjata, të nxitur nga kërkesa e vazhdueshme, për të qenë edhe më efektivë në marrëdhëniet ndërkombëtare.
Tashmë numri i përfaqësive shqiptare në botë shkon në 60, ndër të cilat 44 ambasada, 9 konsullata të përgjithshme dhe 9 misione të përhershme.
"Turizmi dhe zgjerimi i hartës së lëvizjeve të shtetasve shqiptarë për qëllime turistike, është një tjetër argument, mbi të cilin MEPJ u mbështet për propozimin e hapjes së 3 përfaqësive të reja", - shkruan ministri Hasani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
