.png)
Shqipëria nuk ka asnjë rezervë dhe kusht për anëtarësimin e Suedisë dhe të Finlandës në NATO dhe Qeveria miratoi në mbledhjen e kësaj të enjteje në parim protokollet e anëtarësimit të tyre.
“Ky zhvillim forcon sigurinë në hapësirën euro-atlantike dhe vetë bashkëpunimin NATO-BE. Është një zhvillim që vjen si pasojë e drejtpërdrejt e agresionit rus kundër Ukrainës”, deklaroi ministrja e Jashtme, Olta Xhaçka.
Xhaçka tha se kërkesa e dy vendeve reflekton qartë nivelin e lartë të kërcënimit me të cilin po kanoset sot Europa. Ajo tha se ky moment duhet t’i japë një shtysë zgjerimit të mëtejshëm të NATO-s në Ballkanin Perëndimor, ku të vetmet vende që nuk janë anëtare janë Kosova, Bosnja dhe Serbia.
“Theksoj sidomos rastin e Kosovës, e cila ndan me Aleancën të njëjtat parime dhe vlera”, u shpreh ministrja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
