.png)
Nga Gazeta 'SI' - Shqipëria ka arritur një numër rekord zyrash të këmbimit valutor.
Në 2023, Banka e Shqipërisë raporton se operonin 621 të tilla. Vetëm gjatë vitit të shkuar, BSH licencoi 52 zyra të reja, ndërsa u revokoi licencën 14 zyrave ekzistuese. Shifrat tregojnë se në vitin 2022 regjistroheshin gjithsej 583 zyra të këmbimit valutor
Ndonëse në raportimin e Bankës nuk jepen arsyet e revokimit, por më herët, kjo ndodhte për shkak të dyshimeve të pastrimit të parave.
Vetë BSH i vlerëson ZVK-të, si hallka më e dobët dhe më e ekspozuar ndaj pastrimit të parave, ashtu si edhe subjektet financiare jobankë.
Në vitin 2023, Banka e Shqipërisë pajisi me licencë 1 institucion të parasë elektronike dhe 1 subjekt për ushtrimin e veprimtarisë “Blerja e kredive me probleme” dhe revokoi licencën e një subjekti me kërkesë të tij. Gjithashtu, Banka e Shqipërisë miratoi ushtrimin e veprimtarisë financiare shtesë (ndërmjetës/agjent në sigurime) të 1 banke dhe të 1 subjekti financiar jobankë. Në fund të vitit 2023, ushtronin veprimtaritë financiare 39 subjekte financiare jobanka (përfshirë dhe institucione financiare të mikrokredisë) dhe institucione të parasë elektronike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
