.png)
Shqipëria dhe Maqedonia e Veriut i kthehen bisedimeve për ndërtimin e hekurudhës midis dy vendeve.
Zv/Ministri i Energjisë dhe Infrastrukturës, Artan Shkreli, ka zhvilluar një takim me homologun e tij në Maqedoninë e Veriut, Bekim Rexhepi për këtë qëllim.
Të pranishëm ishin edhe drejtuesit e Hekurudhës së dy vendeve ku diskutuan për lidhjen hekurudhore ndërmjet Shqipërisë dhe Maqedonisë së Veriut përmes ndërtimit të pjesës Perëndimore të Korridorit 8.
“Në këtë takim palët shprehën gatishmërinë e tyre për një lidhje hekurudhore mes dy vendeve, duke e cilësuar këtë si një projekt të rëndësishëm si për biznesin ashtu edhe për lëvizjen e qytetarëve” shkruan Ministria e Infrastrukturës dhe Energjisë në njoftimin zyrtar.
Maqedonia e Veriut e ka ndërtuar hekurudhën e vetë deri në Lin, kurse Shqipëria shpalli tenderin, e mbështetur nga BERZH.
Porn ë buxhetin e shtetit nuk iu rezervua një vend në këtë vit dhe hekurudha nuk do të ndërtohet në kuadrin e Korridorit të 8 sepse ai projekt dështoi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
