Shqipëria, Maqedonia dhe Bullgaria kanë nënshkruar në Sofje të Bullgarisë Memorandumin e Mirëkuptimit për zhvillimin e tregut të energjisë elektrike.
Palët nënshkruese kanë qenë drejtorët e operatorëve të sistemit të transmetimit të shteteve respektive; Operatorit të Sistemit të Transmetimit Shqipëri, OST Sh.a , Operatorit të Sistemit Elektroenergjetik të Bullgarisë (ESO EAD) dhe Operatorit të Sistemit të Transmisionit të Maqedonisë (MEPSO AD).
Me nënshkrimin e këtij Memorandumi, të tri palët kanë deklaruar gatishmërinë e tyre për të bashkëpunuar ngushtë dhe për të kontribuar në zhvillimin e tregut të energjisë midis tyre.
Memorandumi parashikon gjithashtu bashkimin e tregut të energjisë të tre vendeve, shoqëruar nga një shpërndarje absolute të alokimeve të kapaciteteve të interkonjeksionit në përputhje me modelin e synuar Europian.
Me nënshkrimin e dokumentit të tre operatorët e sistemit të transmetimit të energjisë shprehin vendosmërinë e tyre për të zhvilluar bashkëpunimin rajonal nëpërmjet krijimit të një Qendre Rajonale Koordinimi të Sigurisë në një shtet anëtar të BE-së Juglindore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.