Panik në San Lorenzo Nuovo (Viterbo), të Italisë ku gjatë natës ka ndodhur një shpërthim i fortë në një qendër pritjeje për azilkërkuesit.
Janë 30 të plagosur, një prej të cilëve në gjendje të rëndë, të cilët janë transportuar në spitale të ndryshme të zonës. Struktura, e përdorur për të akomoduar familje, strehonte gjithsej 30 persona dhe u shkatërrua plotësisht. Mes të plagosurve ishin edhe disa fëmijë. Prokuroria e Viterbos ka hapur dosjen hetimore dhe mes hipotezave nuk përjashtohet një rrjedhje gazi.
Zjarrfikesit përjashtuan praninë e njerëzve nën rrënoja.
Shpërthimi ka ndodhur në orën 01:00 të natës. “Kishte një shpërthim, ndoshta për shkak të një rrjedhje gazi, por hetimi do të sqarojë shkaqet e sakta të asaj që ndodhi,” tha kryebashkiaku i San Lorenzo Nuovo.
“Të 30 personat e pritur në objekt u transportuan në spital për t’iu nënshtruar kontrolleve”, shtoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.