Policia e Durrësit ka vënë në pranga një 30-vjeçar, pasi ishte i shpallur në kërkim për shpërdorim detyre në objektet e dëmtuara nga tërmeti.
Policia thotë se është vënë në pranga shtetasi me inicialet A. D, 30 vjeç, banues në Durrës.
Për këtë shtetas, Gjykata e Shkallës së Parë Durrës ka dhënë masën e sigurisë “Arrest me burg”, për veprën penale “Shpërdorim detyre”.
Po ashtu është vënë në pranga shtetasi me inicialet I. B, 52 vjeç, banues në Durrës.
52-vjeçari është konstatuar nga shërbimet e Policisë në Flakë, duke drejtuar mjetin tip “Benz”, duke shkelur urdhrin e qeverisë për lëvizjen dhe në gjendje të dehur.
Materialet i kaluan Prokurorisë së Rrethit Gjyqësor Durrës për veprat penale “Shpërdorim detyre” dhe “Drejtimi i automjeteve në mënyrë të parregullt”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.