Është hedhur ditën e sotme shorti i Europa League për fazën e 1/8-tave të këtij kompeticioni. Goglat e hedhura në Nyon të Zvicrës i vendosën kuqezinjtë përballë Manchester United me ndeshjen e parë që do të luhet në Old Trafford të enjten e 11 marsit. Ajo mes Manchester United dhe Milanit është sfida më e fortë e këtij raundi në të cilin nuk mungojnë përballjet interesante.
Sakaq, Roma e Marash Kumbullës është shortuar me Shaktar Donetsk. Ukrainasit janë një rival i kalueshëm për italianët, të cilët ia dolën të shmangnin rivalë shumë të fortë në letër. Ndërkohë, Arsenalit do t’i duhet të udhëtojë drejt Pireut për t’u përballur me grekët e Olympiacos me ndeshjen e parë që do të luhet në Athinë.
Ndërkaq, një sfidë e kalueshme është edhe për Tottenham e Mourinho që gjen përballë Dinamo Zagreb, ndërsa Young Boys që e eleminoi Tiranën, tashmë do të sfidojë Ajax.
Raundi i 1/8 të Europa League:
AJAX- YOUNG BOYS
DYNAMO KYIV-VILLAREAL
ROMA-SHAKHTAR DONETSK
OLYMPIACOS-ARSENAL
DINAMO ZAGREB-TOTTENHAM
MANCHESTER UNITED-MILAN
SLAVIA PRAHA-RANGERS
GRANADA-MOLDE
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.