.png)
Shoqata e emigrantëve shqiptarë në Greqi ka firmosur një peticion kundër vendimit të Komitetit të Ekspertëve për të vendosur karantinë 2-javore për shtetasit që hyjnë nga Greqia dhe Maqedonia e Veriut. Ky peticion i është dërguar Presidentit të Republikës, i cili iu ka përcjellë shqetësimin qeverisë, ministrisë së Shëndetësisë dhe KQZ-së.
Në letrën e Presidencës, që iu dërgohet për dijeni dhe OSBE/ODIHR në Shqipëri, misionit të tyre, Kuvendit, Avokatit të Popullit, Ambasadave të BE, SHBA dhe Britanisë, si dhe subjekteve politike, kërkohet vlerësim i vendimit të Komitetit të Ekspertëve dhe marrja e masave.
Shoqata e Emigrantëve deklaron se kjo masë është diskriminuese dhe ju pengon emigrantëve të drejtën e votimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
