Gazeta Si – Futbollisti 22-vjeçar, që kishte kërcënuar se do të vetëvritej, është shpëtuar nga zjarrfikësit. Një problem sentimental çoi të riun tek ai gjest.
Kalon rreziku. Beka Beka, futbollisti i Nisës, është shpëtuar. Gjatë paradites ai kishte kërcënuar se do të hidhej nga ura, por ndërhyrja e zjarrfikësve, që për disa orë kishin punuar bashkë me xhandarmërinë, bashkë me ndihmën e një psikologu të dërguar nga klubi, kanë shmangur të keqen.
Mesfushori francez me origjinë kongoleze ndaloi në korsinë e emergjencës në autostradë për t’u hedhur nga rreth 100 metra lartësi. Pas shumë përpjekjesh, tragjedia u shmang. E gjitha kjo situatë erdhi nga një zhgënjim në dashuri.
Shokët e skuadrës, pasi u njoftuan për atë që po ndodhte teksa stërviteshin, kanë provuar me të gjitha mënyrat për të kontaktuar ish-të fejuarën e lojtarit për ta çuar te vendi.
Mesfushori i vitlindjes 2001, Beka Beka, ka firmosur kontratë me Nisën në qershor të 2022-shit dhe prej saj përfiton 14 milionë euro. I lindur në Paris, ai ka luajtur 14 ndeshje sezonin e kaluar, ndërsa më parë ka luajtur në Rusi me Lokomotivën e Moskës dhe me Kaenin në Francë, ku është rritur. Me Francën ka marrë pjesë në Olimpiadën e Tokios.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.