.png)
Gazeta Si - Momente paniku të jashtëzakonshëm për 367 pasagjerë dhe 12 pjesëtarë të ‘Japan Airlines’, që është përplasur gjatë uljes me një avion të rojes bregdetare. Nga përplasja shpërtheu zjarri, por fatmirësisht të gjithë personat u evakuuan në kohë.
Qeveria japoneze ka bërë me dije se të 379 personat arritën të evakuoheshin në kohë, duke ndjekur udhëzimet e nevojshme. Shërbimi Zjarrfikës i Tokios ka saktësuar me në atë një konference shtypi se 17 persona janë lënduar.
Video të shumta që qarkullojnë në rrjetet sociale besohet se tregojnë avionin e Japan Airlines përpara se të evakuoheshin pasagjerët. Televizioni shtetëror NHK ka publikuar video që tregojnë se avioni është përfshirë nga flakët, ndërsa kishte ngecur në pistën e aeroportit.
💥💥 BREAKING: Plane on fire at Tokyo International Airport pic.twitter.com/bNpgZDiyW6
— ビットコイン (@Ripple_X_) January 2, 2024
Pasagjerët janë nxjerrë duke përdorur kanalin e daljes me fryrje. Në vendngjarje shihen zjarrfikësit, të cilët tentojnë të shuajnë zjarrin, por avioni u shkatërrua plotësisht.
Një zëdhënës i Japan Airlines tha se avioni ishte ngritur nga aeroporti Shin-Chitose i Hokkaido në Japoninë veriore dhe se zjarri shpërtheu, kur u ul në aeroportin Haneda të martën pasdite me orën lokale.
Video captures passengers escaping a burning Japan Airlines plane on the runway of Tokyo’s Haneda Airport after it landed and burst into flames.
— Al Jazeera English (@AJEnglish) January 2, 2024
It’s reported to have collided with a Japan Coast Guard plane on the tarmac ⤵️ pic.twitter.com/6iVBjyRckB
Nuk kanë mundur të mbijetojnë fatkeqësisht 5 personat që ndodheshin në avionin e vogël të rojës bregdetare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
