.png)
Të vizitojnë pacientë që kanë dhimbje të mëdha të stomakut është diçka normale për mjekët por disa mjekë në Indi janë tronditur kur kanë parë se në stomakun e pacientit kishte rreth 60 sende shtëpiake duke nisur nga butonat, kufjet, varëse etj.
Ai vuante nga dhimbjet e stomakut për më shumë se dy vjet.
“Gjatë kryerjes së një radiografie, ne gjetëm varëse, zinxhirë, arra, kufje dhe shumë objekte të tjera brenda stomakut”, tha Ajmer Sain Kalra, Drejtor i Spitalit Moga Medicity në Punjab, Indi.
Mjekët i bënë ekografi dhe rreze X dhe zbuluan se dhimbja e tij ishte shkaktuar nga rreth 60 sende të vogla shtëpiake, duke përfshirë magnetet, butonat e këmishëve dhe zinxhirët. Mjekët diagnostikuan 35 -vjeçarin me një gjendje të shëndetit mendor, ku i sëmuri “gëlltit në mënyrë të vazhdueshme objekte që nuk janë ushqim”, sipas klinikës Cleveland.
Sëmundja është më e zakonshme tek fëmijët e vegjël, gratë shtatzëna dhe njerëzit me çrregullime psikiatrike, duke përfshirë veçanërisht çrregullimet e spektrit të autizmit ose skizofreninë.
Sipas mediave indiane, të afërmit e pacientit nuk ishin në dijeni të problemit.
“Pasi kishte ngrënë sende të mprehta, kishte lëndime të rënda në stomak”, tha mjeku që e operoi.
Pacienti iu nënshtrua një operacioni tre orësh për heqjen e objekteve. Sipas mjekëve, 35-vjeçari vazhdon të jetë i intubuar dhe në gjendje kritike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
