Pas kërkesës që Bashkia Shkodër i bën policisë për ta mbështetur në zbatimin e dekretit të presidentit Meta për anulimin e zgjedhjeve të 30 qershorit ka pasur përplasje pranë KZAZ nr. 2 në Shkodër mes përfaqësuesve të PD, Policisë Bashkiake dhe Policisë së Shtetit.
Pas Komisionit Qendror të Zgjedhjeve, kryetarja e Bashkisë së Shkodrës, Voltana Ademi në një shkresë drejtuar policisë së Qarkut të Shkodrës kërkon mbështetjen për lirimin e ambienteve të Komisioneve Zonale të Administrimit të Zgjedhjeve, duke zbatuar kështu dekretin e Presidentit të Republikës se në 30 qershor nuk ka zgjedhje.
Përmes një letre dërguar Policisë së Shkodrës, kryebashkiakja Ademi kërkon prezencën e policisë në KZAZ 2, 4 dhe 5 për lirimin e ambienteve.
KZAZ-së nr. 2 me adresë: Pallati i Sportit “Qazim Dervishi”, Shkodër.
KZAZ nr, 4 me adresë: Palestra e Shkollës 9-vjeçare “Azem, Hajdari”, Shkodër.
KZAZ- Nr. 5 me adresë: Palestra e Shkollës 9-vjeçare “Xheladin Fishta”, Shkodër
Por kjo ka sjellë përplasjen. Policia ka tentuar të marrë në mbrojtje KZAZ-të në Shkodër, ndërsa kryebashkia Ademi dhe PD kërkojnë që ambjentet të lirohen dhe kjo situatë ka sjellë konfliktin mes palëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.