.png)
Një person është qëlluar për vdekje mëngjesin e sotëm në lagjen Guerile në qytetin e Shkodrës.
Shtetasi Fatbardh Lici, 53 vjeç, është qëlluar me armë zjarri nga një makinë ndërsa ndodhej në një lokal.
Viktima është vëllai i Mustafa Licit, kryetar i partisë 'Mendimi i Djathtë Liberal', njëherazi edhe anëtar i Këshillit Bashkiak të Shkodrës dhe kunati i Lul Kullës, i njohur si "i forti" i Shkodrës.
Pas ngjarjes policia ka gjetur në fshatin Dobraç duke u djegur një mjet tip “Benz” i cili dyshohet se ka lidhje me vrasjen.
Në vendngjarje ndodhet grupi hetimor nën drejtimin e Prokurorisë së Rrethit Shkodër për sqarimin e rrethanave të kësaj ngjarjeje dhe zbardhjen e plotë të krimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
