.png)
Gazeta Si – Jeton Beqiri është trajneri i ri i Shkëndijës së Tetovës. Palët kanë firmosur një kontratë për 1.5 vjet mes tyre. Për Beqirin është një rikthim te skuadra tetovare, që ka dominuar futbollin vitet e fundit në Maqedoninë e Veriut.
“Është privilegj të jesh trajner i Shkëndijës, kënaqësi shumë e madhe dhe në të njejtën kohë edhe përgjegjësi. Dua të falenderoj kryesinë e klubit për besimin e dhënë, duke shpresuar që në fund rezultatet të na japin të drejtë dhe të realizojmë objektivat”, - tha trajneri Beqiri pas prezantimit.
Jeton Beqiri njihet edhe në Shqipëri, ku ka qenë ndihmëstrajner te Flamurtari në kohën e Shpëtim Duros, si dhe trajner i parë i Bylisit në Kategorinë e Parë.
Po ashtu, trajneri i ri i Shkëndijës ka drejtuar edhe skuadra të tjera, si Struga, Renova, Gostivari dhe Drita. Së fundi ai ishte i angazhuar me Al Jabalain në Arabinë Saudite, ku mbante postin e menaxherit dhe drejtorit të akademisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
