.png)
Ndërsa bota vazhdon të rikuperohet nga efektet e pandemisë së koronavirusit, shkencëtarët kanë zbuluar se pandemia e ardhshme mund të mos shkaktohet nga lakuriqët apo zogjtë, por nga diçka shumë më e zakonshme si shkrirja e akullnajave.
Në një studim të botuar në Proceedings of the Royal Society B: Biological Sciences, studiuesit detajuan gjasat e ndikimeve nga ndryshimet klimatike globale.
Sfida më e madhe për shkencëtarët mbetet shkrirja e akullnajave, pasi tkurrja e ngricës së përhershme mund të çlirojë viruse dhe baktere të bllokuara në akullnaja. Këto viruse mund të përhapen në natyrë te njerëzit, ngjashëm me SARS-CoV-2, që çoi në pandeminë Covid-19.
Ekipi mblodhi mostra dheu dhe sedimenti nga Liqeni Hazen, liqeni më i madh i ujërave të ëmbla të Arktikut në lartësi të madhe dhe renditi ARN-në dhe ADN-në në këto mostra.
Rezultatet e studimit treguan se rreziku i përhapjes së viruseve rritet në procesin e shkrirjes së përshpejtuar të akullnajave.
Vlen të theksohet se viruset janë të pranishme kudo. Pavarësisht nga shumëllojshmëria e gjerë e gjenomeve, viruset nuk janë organizma të pavarura, sepse ata duhet të infektojnë një qelizë strehuese në mënyrë që të shumohen.
Shkencëtarët që studiojnë akullnajat në vitin 2021 gjetën 33 viruse që kanë qenë në gjendje të ngrirë për më shumë se 15,000 vjet, nga të cilët 28 janë viruse të panjohura. Kohët e fundit, viruset janë gjetur edhe në një akullnajë tibetiane që shkrihet për shkak të ngrohjes globale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
