.png)
Policia italiane ka arrestuar sot shumë pjesëtarë të klanit Casalesi të Napolit, pjesë e klanit të njohur Camorra. Gjatë këtij operacion janë ndaluar 17 persona disa prej të cilëve me precedentë penalë të përsëritur të cilët vepronin në zonën e Trentola Ducenta, San Marcellino dhe Lusciano.
Mdediat italiane shkruajne se grupi vepronte me disa napolitanë, por edhe me shqiptarët. Pikërisht me shqiptarët bëhej më shumë trafik armësh dhe droge. Shqiptarët kanë blerë marijuanë dhe armë në zonën e Casertano.
Lënda narkotike e kishte origjinën më së shumti nga Shqipëria, ndërsa çoheshin në Itali me anë të porteve. Tre anëtarë të grupit përfunduan në burg për armë dhe trafik droge dhe për drejtimin e një rrjeti prostitucioni në kufi mes Casertas dhe Napolit.
Dy anëtarë italianë të grupit, Diana e Kantoni mbanin kontakte me shqiptarët Një nga italianët përpos se merrej me aktivitete të tjera të paligjshme, kishte edhe një pikë bastesh.
Personat e ndaluar akuzohen për pjesëmarrje në një organizatë kriminale, zhvatje, si dhe trafikim armësh e droge.
14 prej tyre u lanë në masën e arrestit me burg ndërsa 3 prej tyre me masën ‘arrest shtëpiak’
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
