Prokurori i Apelit të Tiranës, Luan Kaloci është shkarkuar nga Komisioni i Pavarur i Kualifikimit, pasi nuk kaloi Vettingun.
Nga analiza e bërë në deklarimet në vite dhe dokumentacioni i siguruar nga KPK kishte mospërputhje. Prokurori si fillim është shprehur se për blerje përdori paratë që përfitoi nga shitja e shtëpisë në Elbasan, ndërsa në deklaratën e vetingut thuhet se e bleu me kredi. Ndërkohë, ka edhe mospërputhje për sipërfaqen si dhe për burimin e të ardhurave, me të cilat ka blerë dyqanin.
Vetë prokurori kishte deklaruar se apartamentin e kishte blerë me paratë e përfituara në lotari sportive dhe dy hua, ndërsa më pas ai tha se e kishte blerë pas shitjes së banesës në Elbasan.
Sipas IDKPI, gjyqtari Kaloçi nuk ka bërë deklarim të saktë të pasurisë, pasi ka mospërputhje me deklarimet në vite.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
