.png)
Ministrja e Infrastrukturës, Belinda Balluku ka shkarkuar nga detyra drejtorin e kompanisë Albpetrol, Kastriot Bejtaj. Ky I fundit është një gjeofizikant i njohur, ish-drejtues i SHELL dhe Petromanas.
Dyshohet se shkak i ndryshimit të drejtorit është tenderi me vlerë 2.5 miliardë lekë të rinj për 75 mijë tonë naftë bruto.
Në vend të tij është emëruar Dritan Spahiu, i cili ka mbajtur më herët postin e drejtorit të Marrëveshjeve për Hidrokarburet në Ministrinë e Infrastrukturës.
Bejtaj u emërua në krye të “Albpetrol” në janar të 2018, pas largimit të drejtorit të mëparshëm, Endri Puka. Menjëherë pas marrjes së detyrës, ministrja Balluku shkarkoi disa drejtorë të rëndësishëm, ku i pari në listë ishte kreu i ARRSH-së, Afrim Qendro, i akuzuar nga opozita për skandalin e “Unazës së Madhe” të Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
