Drejtori i Përgjithshëm i Policisë së Shtetit, Ardi Veliu, ka firmosur urdhrin për ndryshimin e strukturave në drejtoritë vendore të policisë në qarqe që do të sjell edhe shkurtime .
Sipas strukturës së re çdo drejtori vendore do të ketë një drejtor dhe 2 nëndrejtorë, ndërkohë disa prej sektorëve ekzistues do të shkrihen në një të vetëm.
Do të shkrihen tre sektorët e hetimit dhe krijohet sektori i vetëm që do të mbulojë çështjet e drogës, trafiqeve të paligjshme dhe krimit ekonomik.
Sektori i rendit do të ketë Sallën Operative Sektorin e Rendit dhe atë të Qarkullimit rrugor. Gjithashtu mësohet se do të zgjerohet kompetenca e e komisariateve të cilët do të merren edhe me veprën penale të vrasjes e cila më parë i kalonte drejtorive. Mes shumë ndryshimesh edhe policia Rrugore do të ketë varësi seksionet e Policisë Rrugore duke mos pasur varësi nga komisariatet siç ishte më herët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
