.png)
Një 37-vjeçar është arrestuar në Durrës, pasi dyshohet se ka goditur një shtetas, i cili më pas është rrëzuar dhe ka ndërruar jetë. Ngjarja ka ndodhur në 23 maj në lagjen Nr.13, Plazh.
Dyshohet se M.A., për motive të dobëta ka goditur shtetasin Z.K.,53 vjeç, banues në Durrës, i cili është rrëzuar në tokë dhe ka pësuar dëmtime.
Ai fillimisht është transportuar në spitalin rajonal dhe më pas është dërguar në për mjekim të specializuar në Spitalin e Traumës Tiranë, ku më datë 27 maj ka ndërruar jetë.
Policia e Durrësit ka marrë në pyetje edhe familjarët e personit të dëmtuar, të cilët nuk kanë pasur asnjë pretendim.
Grupi hetimor vijoi hetime më të thelluara duke bërë të mundur zbardhjen e plotë të ngjarjes dhe arrestimin ditën e djeshme të autorit të dyshuar.
Materialet i kaluan Prokurorisë së Rrethit Gjyqësor Durrës për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
