Eva Buzo ka shfaqur probleme disa orë pas nisjes së sfidës për kalimin me not nga brigjet e Italisë drejt Vlorës. Buzo për disa orë pritej të përfundonte misionin e saj. Por, gjatë rrugës ajo ka shfaqur problemet e para si probleme në të folur dhe sasi të tepërt kripe në trup. Gjithashtu atletja shqiptare është djegur edhe nga një kandil deti por vendosi të vijojë rrugëtimin e saj pavarësisht se mjekët i kanë kërkuar të ndërpresë sfidën.
Gjithsesi, Buzo nuk mundi të përfundonte sfidën pas problemeve shëndetësore që ka shfaqur në ujë. Tani ajo ndodhet në reanimacionin e spitalit të Vlorës në kujdesin e mjekëve.
35-vjecarja jeton në Itali ku dhe ushtron profesionin e saj si avokate. Mëngjesin e të enjtes ajo nisi rrugëtimin historik, duke notuar nga Otranto në Vlorë, një rrugëtim që pritej të zgjaste deri në 40 orë. Buzos i duheshin edhe 10 km për të arritur në destinacion.
Ajo shoqërohej në këtë sfidë nga tre varka dhe një staf teknik prej 12 personash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.