Gazeta Si – Në stadiumin e Kukësit, ku u luajt sot ndeshja mes Vllaznisë dhe Tiranës, nuk pati trazira mes tifozëve. Ato ndodhën më pas, kur dy tifozëritë po ktheheshin nga Kukësi dhe u përplasën në Reps.
Nga informacionet e para mësohet se tifozët e Vllaznisë kanë sulmuar ata të Tiranës në një vend pushimi. Ata zbritën nga autobusi dhe nisën të fyenin me fjalë tifozët kryeqytetas, më pas situata degjeneroi në dhunë fizike. Nga hedhja e sendeve të forta janë plagosur 5 persona, të cilët janë dërguar në spitalin e Rrëshenit.
Tifozët e Tiranës dhe ata të Vllaznisë kanë pasur shpesh përplasje vitet e fundit. Ndeshja e sotme u mbyll me rezultatin 0-1 në favor të Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.