Një sherr me armë midis fqinjëve që mund të përfundonte me pasoja fatale është parandaluar nga ndërhyrja në kohë e policisë.
Ngjarja ka ndodhur në fshatin Buçimas të Pogradecit, ku dy familje fqinje janë konfliktuar me njëri tjetrin për motive ende të paqarta. Pas sherrit, 58-vjeçari ka shkuar në shtëpi ka marrë pistoletën tip " Zastava" dhe ka qëlluar të drejtim të fqinjit Ilir Jolldashi dhe bashkëshortes së tij, por fatmirësisht pa pasoja të rënda për jetën.
Falë reagimit dhe ndërhyrjes në kohë të policisë, u bë kapja dhe arrestimi në flagrancë i autorit të dyshuar të ngjarjes si edhe parandalimi i përshkallëzimit të mëtejshëm të këtij konflikti. Në cilësinë e provës materiale 58-vjeçarit, iu gjet e sekuestrua arma e zjarrit me 4 fishekë në krëhërin e saj. Materialet i kaluan Prokurorisë Pranë Gjykatës së Shkallës së Parë Pogradec për veprat penale “Vrasja me dashje mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.