Gazeta Si - Presidenti rus Vladimir Putin "është në krye të listës, ne po përpiqemi ta vrasim". Kështu deklaroi nënkryetari i inteligjencës ukrainase, Vadim Skibitsky, në një intervistë për gazetën gjermane, “Die Welt”.
"Detyra jonë prioritare është të shkatërrojmë komandantin e njësisë që u jep njerëzve të tij urdhrin për të sulmuar", tha Skibitsky dhe Putini është ai që "koordinon dhe vendos se çfarë ndodh".
Më pas, një pyetje e drejtpërdrejtë nga gazeta: "Cila është marrëdhënia juaj me Prigozhin, kreun e grupit mercenar Wagner?". Skibitsky përgjigjet: "Ne po përpiqemi ta vrasim".
Skibitsky kërcënoi gjithashtu se do të shkatërronte portin e Mariupolit, duke e quajtur atë një nga pikat kritike logjistike të forcave të Moskës.
“Po afrohemi gjithnjë e më shumë” me Putinin, shtoi zyrtari i lartë, duke nënvizuar se edhe presidenti “ka frikë se mos vritet nga njerëzit e tij”.
“Zgjedhja për të vrarë presidentin Putin dhe mua, është e kuptueshme”. Kështu deklaroi Yevgeny Prigozhin, kreu i kompanisë ushtarake private Ëagner, duke iu përgjigjur asaj që u deklarua nga nënkryetari i inteligjencës ushtarake në Kiev, Vadim Skibitsky.
"Mund të them se ukrainasit dhe natyrisht Drejtoria kryesore e Inteligjencës, janë njerëz mjaft mizorë", shton Prigozhin në një nga kanalet e tij në Telegram.
Nga ana tjetër, shërbimet përgjegjëse për sigurinë e presidentit rus Vladimir Putin, "e dinë punën e tyre dhe e dinë se çfarë po bëjnë".
Kështu deklaroi zëdhënësi i Kremlinit, Dmitry Peskov, duke komentuar deklaratat e zëvendësshefit të shërbimeve sekrete ushtarake të Ukrainës, Vadim Skibitsky, sipas të cilit “objektivi parësor” i operacioneve në Kiev është pikërisht Putini.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.