SHBA-Rusi, drejt shkëmbimit mes yllit të basketbollit dhe tregtarit të armëve

Gazeta Si - Negociatat janë duke u zhvilluar ende për një shkëmbim mes basketbollistes së famshme amerikane, Brittney Griner dhe tregtarit rus të armëve, Viktor But, i ndaluar në shtetin amerikan të Illinoisit.

Sipas mediave shtetërore ruse, duke cituar burime të brendshme të inteligjencës, shkëmbimi është "shumë i mundshëm".

Ndërkohë, autoritetet ruse kanë zgjatur paraburgimin parandalues të kampiones olimpike të basketbollit të akuzuar për trafik droge deri më 18 qershor.

Sipas raportimeve të CNN, që citon agjencinë ‘Tass’, gjykata e Khimkit, e rajonit të Moskës, ka pranuar kërkesat e prokurorisë, duke zgjatur arrestimin parandalues të sportistes.

Griner u arrestua më 17 shkurt në aeroportin Sheremetyevo, afër Moskës, pasi iu gjet vaj hashashi në bagazhin e saj.

Askush nuk e imagjinonte që “malli i këmbimit” rus mund të ishte ky personazh me një skicë imagjinare.

Por, 55-vjeçari, u arrestua më 6 mars 2008 në Tajlandë dhe më pas u ekstradua në SHBA, ku u shpall fajtor për shitjen e armëve Forcave të Armatosura Revolucionare të Kolumbisë.

Mediat perëndimore, e quajnë atë baron të armëve dhe shërbimet sekrete amerikane e konsiderojnë një nga trafikantët më të mëdhenj në botë.

Një ish përkthyes ushtarak, pas shpërbërjes së BRSS-së, ai filloi biznesin e tij, duke u përfshirë në transportin ajror komercial në Republikën e Afrikës së Jugut dhe më pas në Emiratet e Bashkuara Arabe.

Në mesin e viteve 1990, ai u mor me dërgesat ilegale të armëve në Afganistan dhe një numër vendesh afrikane.

Nuk mungojnë dyshimet dhe akuzat për kontrabandë diamantesh dhe pastrim parash. Personazhi i luajtur nga Nicolas Cage në filmin “Lord of ëar”, është frymëzuar pikërisht nga bëmat e rusit.

As Brittney Griner nuk është sigurisht e panjohur, pavarësisht rrethanave. Dy metra e gjashtë centimetra lartësi, me flokë të gjatë “dreadlock” që i ka mbajtur që në fillimet e karrierës.

Një nga sportistet më të njohura të basketbollit, në universitet ishte e para që u shpall lojtarja më e mirë e sezonit dhe e finaleve të tij, ndërsa arriti të fitonte edhe titullin.

Pasi u bë profesioniste, ajo hyri në librin e rekordeve me dy mijë pikë dhe pesëqind ‘rebaund’ në një sezon.

Ajo është mbështetëse e lëvizjes “Black Lives Matter”, në emër të së cilës ajo organizoi një protestë të bujshme vitin e kaluar, me ekipin e saj duke u larguar nga fusha gjatë interpretimit të himnit amerikan.

Gjithashtu, ajo është një aktiviste e komunitetit amerikan LGBT, kampionia e parë lezbike që ka nënshkruar një marrëveshje sponsorizimi me “Nike”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.