SHBA e kënaqur me kundërofensivën e Ukrainës: Po bën përparim të qëndrueshëm

Gazeta Si - Sekretari amerikan i Mbrojtjes, Lloyd Austin hap samitin e Grupit të Kontaktit për Ukrainën në Ramstein, Gjermani, me një mesazh prej tre pikash.

Së pari: "Kundërofensiva ukrainase po bën përparim të vazhdueshëm në terren, falë guximit të ushtrisë ukrainase dhe ndihmës së aleatëve".

Së dyti: “Ne absolutisht duhet të vazhdojmë të dërgojmë armët që u duhen ukrainasve. Shtetet e Bashkuara do të dërgojnë gjithçka të nevojshme për të mbrojtur integritetin territorial të Ukrainës”.

Pika e tretë është më politike: “Angazhimi i SHBA-së nuk do të zgjasë vetëm për këtë fushatë. Është një angazhim për sigurinë e Evropës, dhe më gjerë, në afat të gjatë”.

Pjesa e parë e mesazhit është e qartë: lufta vazhdon dhe koalicioni i krijuar nga Uashingtoni nuk do të shpërbëhet, "siç shpreson Vladimir Putin".

Në fakt, “është e kundërta. Koha nuk është kurrë në anën e diktatorëve”. Austin, megjithatë, shkon më tej.

Fjalët e tij duket se largojnë frikën se mbështetja amerikane mund të dobësohet në muajt e ardhshëm, kur të fillojë fushata e zgjedhjeve presidenciale. Natyrisht, referenca e nënkuptuar është për "rikandidimin e mundshëm të Trump".

Javët e fundit, shqetësimi është përhapur në disa kryeqytete evropiane se ish-presidenti, në rast të kthimit në Shtëpinë e Bardhë, mund të shkurtojë ndihmën ushtarake për rezistencën ukrainase.

Dalja e Austin ndoshta parashikon qëndrimin për Ukrainën që Joe Biden do të shpjegojë sot, të martën 19 shtator, në Asamblenë e Përgjithshme të OKB-së.

Më pas, Ministri i Mbrojtjes kaloi në meritë ushtarake: “Në këtë fazë, mbrojtja ajrore është vendimtare. Ne duhet të vazhdojmë të përpiqemi për të ofruar sisteme shumë të nevojshme të mbrojtjes ajrore në Ukrainë. Ne kemi nevojë edhe për municion”.

Ky është takimi i pesëmbëdhjetë i "Grupit të Kontaktit", i cili përfshin vendet e NATO-s, përfshirë Italinë, dhe shtete të tjera, si Australia, Japonia dhe Koreja e Jugut.

Përveç seancave plenare, kombet e ndryshme punojnë në "misione" specifike për të trajnuar ushtarët ukrainas për të përdorur avionë F-16, tanke “Leopard”, bateri kundërajrore; teknologji digjitale për sigurinë kibernetike.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.