.png)
Autoriteti i Aviacionit Civil ka raportuar rritje të vonesave dhe anulimeve të fluturimeve për muajin qershor nga Aeroporti Ndërkombëtar “Nënë Tereza” me destinacion qytete të ndryshme europiane.
Ajo që bie në sy gjatë këtij muaji, është kompania Adria Airways që regjistron një numër të lartë me anulime të fluturimeve, me 4 të tilla, për tu pasuar nga kompania tjetër Blue Panorama që rregjistron 2 anulime.
Për sa i përket vonesave, kompania me numrin më të lartë është Blue Panorama me 11 të tilla e ndjekur nga kompania Fly Ernest me 5 të tilla dhe Albawings me 3.
Nga të dhënat zyrtare rezulton se numri më i lartë i vonesave është me kompanitë që operojnë në tregun Italian për të vijuar me anulimet ku numrin kryesor e ka kompania ADRIA.
Autoriteti i Aviacionit Civil apelon ndaj gjithë personave që kanë parashikuar të udhëtojnë gjatë kësaj periudhe që të kontrollojnë adresat zyrtare të aeroporteve për tu njohur me vonesat e mundshme, pasi për shkak të fluksit në gjithë Europën, pritet të ketë probleme dhe vonesa të gjata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
