.png)
Pandemia vazhdon të godasë fort Italinë, duke reflektuar edhe te futbolli. Për këtë arsye Figc e Lega, edhe pse kanë qëllim ta mbyllin rregullisht sezonin, janë duke arsyetuar mbi një mënyrë ndryshe për të vendosur titullin e rëniet nga kategoria në rast se situata precipiton. Një skenar që duhet patur parasysh duke parë shifrat e të infektuarve e pamundësinë e një tjetër shtyrje të Europianit, që i detyron kampionatet të përfundojnë brenda muajit maj.
Plani i famshëm B, i publikuar nga Corriere dello Sport, do të lejonte mbylljen e kampionatit edhe në vetëm 8 javë, me kusht që të luhet të paktën e gjitha faza e vajtjes, në mënyrë që të gjithë skuadrat të mund të kenë të njëjtin numër ndeshjesh e të mund të përballen me çdo kundërshtar nga një herë, sa për të evituar algoritmin (nuk u përdor) që krijoi aq debat në valën e parë të virusit, gjatë ndalimit të Serie A 2019/20.
Në këtë pikë, 12 të parat e renditura do të ndaheshin në dy grupe nga 6 për të luajtur për titullin: ndeshje vajtje ardhje, stili i fazës së grupeve në Champions League, me dy të parat që do të kualifikoheshin në gjysmëfinalet titull, për tu luajtur – ashtu si finalja – në ndeshje teke. Tetë skuadrat e mbetura (gjithnjë në grup tek) do të luftonin për mbijetesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
