Gazeta Si – Goli i Arnautoviç nuk ka mjaftuar për Interin në transfertën e Xhenoas, ku nuk shkoi më shumë se barazimi 1-1. Skuadra e drejtuar nga Xhilardino arriti të marrë një pikë ndaj kryesuesve zikaltër.
Xhenoa ka ndalur Interin në javën e 18-të të Serisë A, duke përsëritur barazimin ndaj Juventusit në garën e titullit. Pas 10 minutash ndalesë në pjesën e parë për shkak të tymueseve të hedhura nga ultrasit e ekipit vendës, Interi zhbllokoi ndeshjen në minutën e 42-të me Arnautoviç, që shnoi golin e parë me fanellën zikaltër. Ai shënoi pas shtyllës së goditur nga Barela.
Në shtesën e gjatë të pjesës së parë, Dragusin, në zhvillimet e një goditjeje këndi, gjeti goditjen fituese me kokë dhe befasoi portierin Somer, që nuk ishte në një ditë të mirë. Në pjesën e dytë ishin disa pritje të Martinez, që nuk e lejuan Interin të fitonte.
Zikaltrit shkojnë në +5 pikë (45 ndaj 40) nga Juventusi, që luan të shtunën me Romën. Kristjan Asllani, mesfushori kuqezi, nuk luajti asnjë minutë në këtë ndeshje.
Elseid Hysaj u aktivizua si zëvendësues në fitoren 3-1 me përmbysje të Lacios ndaj Frozinones. Napoli nuk mundi të fitonte sërish në fushën e tij, ku barazoi pa gola ndaj Momcës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.