.png)
Gazeta Si – Një 26-vjeçar u arrestua në Tiranë dhe dy të tjerë u shpallën në kërkim, pasi iu sekuestrua 1 kg kokainë.
Policia thotë se në kuadër të operacionit “Baza”, u arrestua G.D., 26 vjeç, dhe u shpallën në kërkim A.A., 26 vjeç dhe D.A., 24 vjeç.
Tre të rinjtë, në bashkëpunim me njëri-tjetrin, dyshohet se kishin siguruar lloje të ndryshme lëndësh narkotike (kokainë, kanabis sativa dhe MDMA), sasi të të cilave i kishin fshehur në ambientet e përbashkëta të një pallati dhe në një automjet të parkuar përballë tij, me qëllim shitjen.
Ka qenë një kontroll rutinë i policisë, të cilët kanë parë G.D., duke konsumuar hashash.
Pasi e kanë ndaluar, ata kanë kontrolluar edhe ambientin përreth dhe në ambientet e përbashkëta të një pallati kanë gjetur dozat e kanabisit.
Më pas, policia ka pasur dyshime të tjera dhe kontrolluan edhe mjetin e G.D., të parkuar përballë, ku gjetën edhe sasinë e kokainës dhe MDMA-së.
Dyshohet se i arrestuari ishte i përfshirë me grupe kriminale për shitje dhe shpërndarje të lëndëve narkotike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje