Sekuestrohen në Portin e Durrësit rreth 38 kilogramë heroinë, të cilat po transportoheshin me kamion me destinacion Italinë.
Policia thotë se heroina ishte ndarë në 68 pako dhe e fshehur në dy vende brenda kamionit.
Gjatë aksionit, uniformat blu kanë vënë në pranga shoferin e mjetit, një 49-vjeçari Dhimitër Zyka, banues në Babrru, Tiranë.
Siç njofton policia, në kamionin që e drejtonte 49-vjeçari poshtë sediljeve u konstatuan dy vende të fshehura brenda të cilëve ishin fshehur 68 pako me lëndë narkotike të dyshuar heroinë.
Në cilësinë e provës materiale u sekuestrua lënda narkotike heroinë me peshë totale rreth 38 kg.
Materialet në ngarkim të tij iu referuan Prokurorisë së Rrethit Gjyqësor Durrës, për veprën penale “Trafikimi i narkotikëve, në bashkëpunim”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.