Rend dhe Ligj

Sekuestrohen 12.4 kg hashash në Llakatund të Vlorës

Policia e Vlorës ka finalizuar operacionin antidrogë të koduar “Ferma” dhe ka sekuestruar 12.4 kg cannabis sativa. Dy persona janë vënë në pranga.
Siç njofton policia, operacioni është kryer në afërsi të fshatit Llakatund të Vlorës dhe në pranga ka përfunduar 24-vjeçari me inicialet R. R.
Nga kontrolli i ushtruar në banesë, Policia ka gjetur dhe sekuestruar 12.4 kg lëndë narkotike, e dyshuar si cannabis sativa.
Materialet iu referuan Prokurorisë, në ngarkim të tij, për veprën penale “Prodhimi dhe shitja e narkotikëve”.
Gjithashtu, Policia ka ndaluar shtetasin E. I., 45 vjeç, banues në Vlorë.
Ndalimi i tij u bë pasi ky shtetas me vendim të formës së prerë është dënuar me 1 vit e 1 muaj burgim për veprën penale “Trafikimi i narkotikëve” kryer në bashkëpunim.

 

Më Shumë