Nga Gazeta 'SI' - Banka e Shqipërisë bleu 16.5 mln euro në treg gjatë javës së shkuar, të ndarë në dy ankande me një kurs mesatar 103.91 lekë.
Më blerjet e fundit, totali i eurove të tërhequra nga BSH për vitin 2023 arrin në rreth 230 mln euro, nga rreth 300 të planifikuara deri në fund të vitit. Momentalisht euro i është rikthyer rënies pas 2 muajve të qetë.
LEXO EDHE:
- Sa e vrau kursin e këmbimit suficiti i ‘ëmbël’ për qeverinë?
- “Krimi” buxhetor i qeverisë
Lëvizjet e Bankës tregojnë se oferta e euros në tregun vendas vazhdon të jetë e lartë dhe kjo po përdoret edhe si një mënyrë për të stabilizuar kursin e euros, ose të paktën për të shmangur rënie të mëtejshme. Gjithsesi, në një monitorim të tillë, lëvizjet nuk kanë qenë domethënëse.
Sidomos gjatë muajve të verës, kur euro preku nivelin e 100 lekëve, bankat tregtare në vend u përballën me një fluks të pajustifikueshëm të euros, e cila kryesisht ishte në cash. Lidhur më këtë edhe BSH vendosë të rrisë blerjet e euros, që fillimisht ishin parashikuar deri në 220 mln euro.
Teorikisht, blerjet e BSH-së bëhen në funksion të Rezervës Valutore, por pas krizës së kursit të këmbimit, Guvernatori Sejko u shpreh se do “përshtaten” politikat e Bankës me kushtet e tregut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.