.png)
Sanitarja e spitalit Covid 2 në Tiranë, Tire Alldervishi, do të mbetet në burg. Gjykata Penale e Tiranës rrëzoi sot kërkesën e sanitares, për t’i ndryshuar masën e sigurisë, “arrest me burg”. Ajo u burgos pak muaj më parë pas denoncimit të vajzës së një pacienteje, e cila ndërroi jetë në një nga spitalet Covid.
Tire Alldervishi dyshohet se duke u hequr si infermiere, mori 8 milionë lekë të vjetër nga familjarja e një pacienteje me COVID, në këmbim të shërbimit mjekësor.
Nga hetimet, rezultoi se 58-vjeçarja nuk ka vepruar e vetme, por si pjesë e një skeme “zhvatjeje”.
Përmes këqyrjes së kamerave, prokuroria ka marrë si provë lëvizjet e sanitares në ditët kur ajo akuzohet se ka marrë shuma parash nga familjarja e pacientes, si dhe personat që ajo ka komunikuar apo kontaktuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
