Ministri i Brendshëm, Sandër Lleshaj është betuar në presidencë, një ditë pasi Parlamenti votoi dekretin e kreut të shtetit.
Në një ceremoni zyrtare, ministri mori detyrën pas disa krisjeve që shoqëruan këtë situatë mes presidencës dhe kryeministrisë.
Presidenti Meta i dorëzoi dekretin e emërimit Ministrit të Brendshëm, duke i uruar suksese në detyrën e re dhe shumë të rëndësishme.
Pas ekzekutimit të himnit kombëtar, leximit të dekretit të emërimit dhe formulës së betimit, ministri Lleshaj u betua mbi Kushtetutë para Presidentit të Republikës, Ilir Meta.
Lleshi u dekretua herën e dytë, teksa hoqi dorë nga çdo post tjetër aktiv. Ministri pason në detyrë Fatmir Xhafajn që dha dorëheqjen pak javë më parë. Fillimisht ai u emërua zëvendësministër me kompetenca të ministrit, deri në dekretim.
Lleshaj u emërua nga Parlamenti një ditë më parë (22 nëntor) me 77 vota të deputetëve të mazhorancës, pasi u dekretuar nga Presidenti Meta më 16 nëntor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.