.png)
Gazeta Si - Mohamed Salah, ylli i Liverpulit dhe një nga futbollistët myslimanë më të njohur në botë, me anë të një apeli të përzemërt në Tuiter, ka kërkuar fundin e masakrave në Gaza.
"Nuk është e lehtë të flasësh në momente si këto. Ka pasur shumë dhunë dhe shumë brutalitet. Përshkallëzimi i javëve të fundit nuk mund të durohet, - thotë sulmuesi egjiptian. – Çdo jetë është e shenjtë dhe duhet të mbrohet. Masakrat duhet të marrin fund, familjet po shkatërrohen.
Tani është e qartë se ndihmat humanitare në Gaza duhet të shkojnë menjëherë. Njerëzit po jetojnë në kushte shumë të vështira, skenat e spitalit ishin të tmerrshme. Gaza ka nevojë urgjente për ushqim, ujë dhe ilaçe. U bëj apel liderëve botërorë që të bashkohen dhe të parandalojnë masakra të tjera shpirtrash të pafajshëm. Humanizmi duhet të prevalojë".
— Mohamed Salah (@MoSalah) October 18, 2023
Videoja e postuar nga Salah u bë menjëherë virale dhe në një orë, nga 21.04 deri në 22.04, ka marrë 39.2 milionë shikime. Një dëshmi e qartë se sa i ndjekur është ylli egjiptian në botën myslimane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
