.png)
Gazeta Si - Ministria e Mbrojtjes e Rusisë (MMR), ka thënë të mërkurën se rrëzoi tre dronë ukrainas në jugperëndim të Moskës, kryeqytetin rus që po përballet me një varg sulmesh ajrore së fundmi.
Ukraina sulmoi në orën 05:00, duke i përdorur “tri mjete ajrore pa pilot ndaj objekteve në rajonin Kaluga”, tha Ministria ruse në Telegram.
“Të gjithë dronët u vërejtën dhe u shkatërruan me kohë nga sistemet mbrojtëse ajrore të Rusisë”, tha MMR.
Guvernatori i Kalugas, Vladislav Shpasha, tha se dronët u rrëzuan në jug të rajonit, qindra kilometra larg jugperëndimit të Moskës.
“Nuk ka pasoja në njerëz dhe infrastrukturë”, tha Shapsha.
Ky sulm ajror është të paktën i pesti këtë muaj mbi rajonin Kaluga, të cilat Rusia thotë t’i ketë parandaluar.
Zyrtarët rusë thanë më herët se i kishin interceptuar sulmet me dronë në këtë rajon më 3, 7, 10 dhe 12 gusht.
Deri në sulmet e muajit të fundit, kryeqyteti rus dhe rrethinat e tij nuk ishin sulmuar gjatë luftës në Ukrainë, të cilën Rusia e nisi para më shumë se një viti.
Javën e kaluar, dy sulme me dronë ndodhën në qarkun financiar të Moskës, njëri prej të cilëve shkaktoi dëme të vogla në një ndërtesë të lartë biznesi. Në maj, disa dronë u rrëzuan pranë Kremlinit.
Më 30 korrik, presidenti i Ukrainës, Volodymyr Zelensky, paralajmëroi se lufta në Rusi po vinte./REL/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
