Gazeta Si - Këtë e ka bërë të ditur kryetari i bashkisë së kryeqytetit rus, Sergey Sobianin në Telegram, ndërsa sulmet e këtij lloji ndaj kryeqytetit rus janë duke u shumuar.
“Kemi kapur dy dronë luftarakë që tentonin të hynin në qytet. Të dy u rrëzuan nga mbrojtja jonë ajrore. Njëra në zonën Domodedovo, në jug të kryeqytetit, e dyta në zonën e autostradës për në Minsk”, në perëndim të Moskës, tha kryebashkiaku.
Autoritetet ruse thanë se nuk ka “viktima e as dëme”.
Kievi, që shmang konfirmimin e sulmeve të mundshme në territorin rus, ende nuk ka reaguar për këto pretendime të Moskës.
Javëve të fundit janë shpeshtuar pretendimet e autoriteteve ruse për sulme të dyshuara ukrainase në Moskë apo në gadishullin e aneksuar ukrainas të Krimesë.
Nga ana tjetër, Shtetet e Bashkuara po përgatiten të njoftojnë një dërgesë të re armësh në Ukrainë për të kryer kundërofensivë deri në fund të kësaj jave. Zëdhënësi i Këshillit të Sigurisë Kombëtare të SHBA, John Kirby tha për CNN.
Ndërkohë, presidenti i SHBA-ve, Joe Biden ka miratuar trajnimin e pilotëve ukrainas për avionët luftarakë F-16: Zëvendës zëdhënësja e Pentagonit, Sabrina Singh e bëri të ditur lajmin në një konferencë me mediat. Edhe departamenti i Mbrojtjes e raporton këtë në faqen e saj të internetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.