.png)
Në nëntë muajt e parë të vitit situata hidrike në vend duket se ka qenë pozitive, pasi prodhimi i energjisë është rritur si pasojë edhe eksporti, ndërsa importi dhe humbjet në rrjet kanë rënë.
Të dhënat e INSTAT tregojnë se gjatë këtyre nëntë muajve, energjia elektrike në dispozicion u rrit me 3,1 %.
Në totalin e energjisë elektrike të prodhuar, hidrocentralet publike kanë kontribuuar me 80,0 %, ndërsa hidrocentralet private dhe koncensionare kanë realizuar vetëm 20,0 % të prodhimit neto vendas të energjisë elektrike.
Si rrjedhojë është ulur pesha e importeve bruto të energjisë elektrike me rreth 2,9 herë dhe është rritur pesha e eksporteve bruto të energjisë elektrike me rreth 69,7 herë, krahasuar me të njëjtën periudhë të një viti më parë.
Gjatë nëntëmujorit, humbjet kanë rënë me 6,8 %. Ndikim në këtë rënie ka pasur ulja e humbjeve në shpërndarje.
Konsumatorët këtë nëntë mujor kanë përdorur energji elektrike sa 5,8 % më shumë se një vit më parë.
Ata që kanë shpenzuar më shumë energji kanë qenë bizneset.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
