.png)
Numri i fëmijëve që kanë probleme me pagjumësinë po rritet dhe duket se shkak për këtë është teknologjia. Problemet me gjumin çojnë në obezitet dhe probleme të shëndetit mendor.
Sipas të dhënave nga NHS Digital, numri i fëmijëve që kanë probleme me gjumin është rritur ndjeshëm gjatë gjashtë viteve të fundit.
Ekspertët thonë se ata duhet të minimizojmë përdorimin e rrjeteve sociale apo pajisjeve dixhitale, por prindërit duhet të jenë më të vëmendshëm në kohën që u lejojnë fëmijëve të tyre të përdorin pajisjet teknologjike. Duhet të kufizojnë kategorikisht kohën, që fëmijët kalojnë me këto pajisje.
"Drita blu nga ekranet mund të ndërhyjë në gjumin e fëmijëve, por me të vërtetë këto probleme janë më tepër çështje e prindërve, se e rrjeteve sociale", shpjegon eksperti dixhital dhe autor i "Stop Staring at Screens", Tanya Goodin.
"Nëse fëmijët qëndrojnë deri në fund të natës në ekranet dhe rrjetet sociale, faji është i prindërve, jo në kompanitë e mediave sociale. Ne po shohim gjithnjë e më shumë familje ku të dy prindërit punojnë dhe kjo do të thotë që koha e gjumit të jetë gjithnjë e më vonë; rutinat e gjumit mund të nxitet ose të braktiset ", thonë ekspertët.
Një rutinë e mirë e gjumit është kyç në mbështetjen e një modeli më të mirë të fëmijës. Ushqimi mund të luajë një rol gjithashtu. Ne shohim fëmijët dhe të rinjtë që konsumojnë shumë sheqer dhe madje edhe pije energjike për të kompensuar privimin e gjumit që po përjetojnë.
Sidoqoftë, nuk është vetëm përdorimi i mediave sociale që po konsiderohet si shkak që po rrit numrin e të prekurve nga obeziteti, ka edhe disa fakorë të tjerë kontribuues.
Obeziteti kontribuon në apnean e gjumit dhe kjo çon në çrregullimin e gjumit.
Nëse një person vuan nga apnea e gjumit, muret e fytit relaksohen dhe ngushtohen gjatë gjumit, duke ndërprerë frymëmarrjen normale. Është një problem që përkeqësohet kur një person është mbipeshë.
Megjithatë hulumtimi sugjeron gjithashtu se mungesa e gjumit çon në mbipeshë, kështu që të dy faktorët janë të lidhur ngushtë.
"Ne kemi dy epidemi kryesore tek fëmijët. Njëra është obeziteti dhe tjetra është shëndeti mendor dhe mbështetja për të dyja këto është gjumi ", tha Michael Farquhar, një konsulent në mjekësinë e gjumit në Spitalin e Fëmijëve "Evelin".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
