Gazeta Si - Një aeroplan i vogël është rrëzuar aksidentalisht në shtetin qendror Selangor të Malajzisë. Trupat e gjetur, sipas mediave lokale, janë të paktën nëntë.
Videot e shpërndara në mediat sociale treguan zjarr dhe shtëllunga tymi të zi që ngriheshin nga vendi i përplasjes në një lëndinë me bar pranë një autostrade në Shah Alam. Një pjesë e rrugës ishte e mbuluar me blozë të dendur.
[TERKINI] Sebuah pesawat dilapor terhempas di Elmina, Shah Alam, Selangor.
— BERNAMA RADIO (@Bernama_Radio) August 17, 2023
Sumber: Orang awam pic.twitter.com/l8kzvxc4kO
Në vendngjarje kanë shkuar forcat e policisë dhe zjarrfikëset. Autoritetet e aviacionit civil thanë se në bordin e avionit ndodheshin 6 pasagjerë dhe dy anëtarë të ekuipazhit.
Një nga viktimat dyshohet se ka qenë duke udhëtuar me makinë në momentin e aksidentit tragjik.
Portali i lajmeve në internet 'Malay Mail', duke cituar dëshmitarë okularë, tha se avioni shpërtheu gjatë përplasjes, me disa nga pjesët e autostradës, duke goditur edhe një motoçikletë.
Avioni i vogël pretendohej se ishte në rrugë nga ishulli turistik verior i Langkawi për në aeroportin Subang në Selangor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.