Pesë pjesëtarë të forcave ushtarake amerikan mbetwn tw vdekur të premten kur avioni që i transportonte ata në një mision trajnimi të karburantit u rrëzua në Detin Mesdhe, tha të dielën Departamenti i Mbrojtjes i SHBA.
Operacionet e kërkim-shpëtimit që përfshinin avionë dhe anije ushtarake të afërta amerikane pasuan menjëherë rrëzimin dhe një hetim për shkakun e tij është duke u zhvilluar, tha Komanda Evropiane e SHBA në një deklaratë.
Komanda Evropiane e SHBA, e cila merret me operacionet ushtarake amerikane në Evropë dhe pjesë të Lindjes së Mesme, raportoi aksidentin të shtunën.
Identiteti i viktimave nuk do të bëhet i ditur derisa të plotësohen njoftimet e të afërmve, tha Komanda.
Presidenti Joe Biden shprehu ngushëllimet e tij në një deklaratë të dielën.
Uashingtoni ka nxituar mbështetjen ushtarake për Tel Avivin dhe ka forcuar forcat e tij në rajon, duke përfshirë aeroplanmbajtësen USS Gerald R. Ford dhe anije të tjera luftarake pasi grupi i Hamasit sulmoi Izraelin më 7 tetor. /Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.