.png)
Cristiano Ronaldo shënoi në ndeshjen e fundit ndaj Napolit dhe përveç se fitoi Superkupën e Italisë, arriti shifrën e 760 golave dhe theu rekordin e Josef Bican, dhe për shumë medie botërore, u bë shënuesi më i mirë i historisë së futbollit, pasi kishte parakaluar Pele ditë më parë. Por ky rekord është hedhur poshtë.
Federata Çeke e Futbollit pretendon se Josef Bican ka shënuar 821 gola në ndeshje zyrtare dhe jo 759, që do të thotë se sulmuesi i Juventusit, Cristiano Ronaldo nuk e ka thyer rekordin e tij. Në një raport të tyre të publikuar së fundmi Federata e Çekisë pretendon se Bican ka shënuar 821 gola dhe jo aq sa njeh FIFA dhe OPTA. Sipas tyre Ronaldos i duhen edhe 62 gola për të parakaluar Bican në këtë renditje. “Komiteti i Historisë dhe Statistikave të FA Çeke numëroi të gjithë golat e shënuar nga legjendari Josef Bican dhe ne mund të deklarojmë se ai shënoi 821 gola në ndeshjet zyrtare”, thuhet në videon e publikuar në Twitter nga federata çeke.
The best goalscorer in football history? 🤔
— Czech Football Team (@ceskarepre_eng) January 21, 2021
The History and Statistics committee of the Czech FA counted all the goals scored by the legendary Josef Bican and we can declare he scored 821 goals in official matches.
Jaroslav Kolář, the Head of the committee shares more details. pic.twitter.com/eYqTcGJf1p
Josef Biscan ka luajtur në vitet 1931-1955 me klubet Rapid Viena, Admira, Slavia Prague, Vitkovice, Hradeç Kralove dhe Dinamo Prague, ndërsa ka përfaqësuar Austrinë, Çekosllovakinë dhe Bohemi/Moravën. Ai vdiq në 12 dhjetor të vitit 2001 në moshën 88-vjeçare.
Në anën tjetër edhe legjenda braziliane Pele këmbënguli në fillim të këtij muaji, kur Ronaldo shënoi golin e tij të 758-të, se ai nuk ishte mundur ende, duke shkruar se numri i golave të tij është 1,283 gola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
