.png)
Kredia e keqe ra në nivelin 6,9 për qind, më i ulti historik i regjistruar ndonjëherë në vendin tonë, por arsyeja kryesore nuk është rritja e fuqisë paguese të kredimarrësve, por një tjetër.
Të dhënat e publikuara nga Banka e Shqipërisë thonë se nga 631,7 miliardë lek që është totali i kredisë së dhënë deri në muajin gusht, kreditë me probleme kuotohen në vetëm 43,5 miliardë, një rënie me 5,4 miliardë lek në krahasim me vitin e kaluar.
Kjo rënie i faturohet kryesisht riskedulimit të pagesave, që përgjatë 2020 dhe këtij viti iu dha mundësi bankave të nivelit të dytë dhe kredimarrësve që të rishikonin planin e pagesës së kësteve.
Faktori tjetër që ka ndikuar, sipas Bankës së Shqipërisë është edhe ashpërsimi i kushteve për dhënien e kredive të reja, një politikë e ndjekur thuajse nga të gjitha bankat e nivelit të dytë, që reflekton pasigurinë për shkak të pandemisë.
Shqipëria është vendi me nivelin më të lartë të kredive me probleme në rajon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
