.png)
Gazeta Si – Luigi Soreca rikthehet në Tiranë. Ai do të drejtojë delegacionin e Bashkimit Europian në Tiranë deri në ardhjen e ambasadorit të ri, që do të zëvendësojë Christine Hohmann.
Komisioni Europian e ka konfirmuar këtë lajm për A2, duke sqaruar se Soreca do ta marrë detyrën e përkohshme më 1 shtator dhe do të vazhdojë punën deri në mbërritjen e kreut të ri të delegacionit të BE-së në vendin tonë.
Kujtojmë që Soreca u largua nga detyra e ambasadorit të BE-së në Tiranë në prill të vitit të kaluar. Italiani e kishte marrë këtë detyrë në shtator të vitit 2018, duke qëndruar kështu për më shumë se 3 vjet e gjysmë.
Soreca merr përkohësisht vendin e Hohmann, e cila do të shërbejë si ambasadore e Gjermanisë në Irak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
