.png)
Gazeta Si – Pritjes i ka ardhur fundi. Rei Manaj është bërë zyrtarisht me skuadër të re. Ashtu siç pritej, ai është zyrtarizuar te turqit e Sivasporit, duke shtuar numrin e lojtarëve që aktivizohen në futbollin turk.
Sulmuesi 26-vjeçar është një lojtar i shumëshëtitur. Përveç Italisë, ku është rritur sportivisht, ai ka luajtur dhe në Spanjë me disa skuadra, mes tyre edhe Barcelona. Aventura e fundit ishte ajo me Uatfordin në Angli dhe që rezultoi e pasuksesshme. Manaj ishte pa skuadër prej disa muajsh.
Kjo situatë ka bërë që sulmuesi të humbasë edhe ftesën e Kombëtares së Silvinjos për ndeshjet e fundit. Manaj, pas firmës në Turqi, duhet të rigjejë formën e tij më të mirë dhe të shpresojë më pas për rikthimin me fanellën kuqezi, ku rivaliteti është rritur ndjeshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
