Nga Gazeta 'SI' - Në programin e reformave për dy vitet e ardhshme, qeveria ka përfshirë edhe atë të luftës ndaj informalitetit dhe mosdeklarimin e të ardhurave.
Sipas dokumentit të sapomiratuar, reforma që do të përfshijë specifikisht administratën Tatimore, do të targetojë personat me makina luksoze, në bashkëpunim me DPSHTRR-në, për të krahasuar të ardhurat e tyre të deklaruara. Më vonë nisma do të përfshijë dhe asetet e tjera të tatimpaguesve. Kontroll të tillë do të kenë edhe individët me sanksione.
Reduktimi i evazionit tatimor në punë, sipas dokumentit do të vijojë edhe përgjatë këtyre viteve me synim luftimin e paligjshmërisë. Sa i përket hetimit tatimor do të fokusohet në subjektet e përpunimit aktiv që përpiqen të shmangin pagesën e kontributeve shoqërore dhe subjektet që përdorin skema mashtrimi TVSH-je.
Deri në 2026-n, qeveria parashikon ndërtimin e regjistrit të Pasurive të Tatimpaguesve (të luajtshme dhe të paluajtshme).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.